تعا نتخيّل سوا

تعا نتخيّل سوا...

تخيّل حالك ما بتتعب ، شو بكون إلا معنى الرّاحة بحياتك إذا دايماً مرتاح..؟

تخيّل حالك ما بتخسر ، شو بكون إلو معنى الرّبح بحياتك إذا دايماً ربحان..؟

تخيّل حالك ما بتمرض ، شو بكون إلو معنى الشّفاء بحياتك إذا دايماً معافى..؟

تخيّل حالك ما بتحزن ، شو بكون إلا معنى الفرحة بحياتك إذا دايماً فرحان..؟

تخيّل حالك ما بتجهل شي ، شو بكون إلا معنى المفاجأة بحياتك إذا كل شي بتعرفو..؟

تخيّل إنّو كل شي بتتمنّى أو بتطمح توصلّو عندك ياه ، شو بكون إلن معنى التّمني والطّموح بحياتك..؟

تخيّل حالك ما بتموت وما بتنتقل لحياة ثانية ، شو بكون إلا معنى كل لحظة من حياتك قضيتها على هالأرض..؟

كل شي تخيّلناه منتمنّى إنّو يكون حقيقة بس تبيّن إنّو إذا كان حقيقة كان كل شي بحياتنا بيفقد معناه.
فخلّينا نشكر الله على كل شي حطّو بحياتنا لأنّو مش صدفة حطّو ، بل تيعطي معنى لوجودنا...